الرئيسية
عاشوا هل الخُوَّه طويلين الاشبار= أهل الوفا عِزَّي عْيَال الصعيدي كْبَارهم وصْغَارهم عِلْمِهم صار= مَضْرَب مثل يوم الهقاوي تبيدي شيبانهم ماتوا على الجود والكار = اللي لهم بالراي رايٍ سديدي وعْيَالهم عاشوا على فِعْل الاخيار= وحطّوا على العِلْم القديم الجديدي من طِيْبَهم طابن تفاصيل الاخبار = وطاب الصحيح اللي مْنُومس قصيدي يستاهلون المدح شَبَّابة النار = اللي مِجَالِسْهم بها تستفيدي واخِصْ خالد مِكْرِم الضيف والجار= عون الرفيق من الزمان البعيدي ماانْسَاه لو يَنْسَى هَوَا الليل سنجار= ياالله عَسَى عِمْر الصعيدي مديدي الصاحب اللي تِنْتِخِي فيه الاذكار= ذِخْر الصديق اللي هْمُومه تزيدي يفداهم اللي يِتِّقِي خَلْف الاعذار = اللي فْرَاقه أوَّل ايام عيدي
أفضل تصفح للموقع بدقة ومقاس الشاشة 1024 × 768