بديت باسم اللى يسوق السحابي= الواحد المعبود فوق السماوات


الواجد المعطي كثير الزهابي= المانع المحصي جميع الكثيرات


ثم السلام اللي يخص الجنابي = واجب علينا في جميع المجالات


سلام واغلى من سلامي رحابي= باعداد ما هلت مزون مطيرات


للطيب اللي من عريب النسابي = محمد ابن سعود يوم العسيرات


اسند على اللي لا ارتكالك شهابي = يشلع بناره في عموم المجرات


من ساس قوم بالجزيره نوابي= والعرق يجذب والنوادر اصيلات


عيله لها تاريخ ما هو خطابي= وحصن الصعيدي شامخ بالطويلات


ياما احتمو حصنه يوم الحرابي= وعدوانهم ذاقو من السم ويلات


فعله يشادي شامخات الهضابي = ماردها من دون شور الشويرات


في مجلسه تبرك صياني الهقاوي = وبغداد بانواعه على النار مركات


والعود الازرق بالمجالس ضبابي = ريحة تشمه من بعيد المسافات


الطيب اللي وقفته ما تعابي = فعله يبدل ضيقها بالوسيعات


حر قرت نفسه طريق الثوابي = فطنه من الله والشواهد علامات


يستاهل البيضاء عزيز المهابي = وما تقصر يدين على العز ذربات


يوم انها دبت علي الدوابي = والقلب هوجس والليالي خريسات


وقفت عريب الجد شدت ركابي = وعزمي تقوي والليالي عسيفات


من خلف الطيب كريم المجابي = يالله عسي الجنه بيته الياء فات


ويالله جعل من نهرها له شرابي = وياكل من اغصان الفواكه لذيذات