راكب اللي كارها قطع الدويه = من المصانع وردوها بالتمامي


وجهه من حايل صوب السريه = واقضب الخط الشمالي بالهمامي


سايقه سعود الصعيدي هو حضيه = طير شلوى ضاري لقطع المضامي


ياقضب مقضب دركسونه يديه = كنه الصاروخ يمن اطلق شمامي


يادعس ناره تقل جلد ابرديه = صوب خب وافردة من له غمامي


عند غربي بالكرامه والتحيه = بالكويت وبلغ اغريب سلامي

نشكر اللي لفانا في بشايرها = قال سعود الصعيدي عامر كاره


كم غلام يجي للبيت خابرها = صاحي للنشامى موقد ناره


دلة من نضيد الجمر مسهرها = كل يوم يخلط البن لكتاره


ذي حمسها وذي بالنجر هاشرها = وذيك مزلولة تفوح ببهاره


عقب ماصبها يالطيب خاشرها = وريح عود القماري يفضح الحاره